مطاعم الخديوي

هتفطر ع البحر
هتاكل وتشرب شاى ومش هتدفع الأ 20 جنية
يعنى حاجة مغرية أنك تصحى يوم الصبح بدرى وتسافر على بورسعيد وتبقى هناك على 9 مثلا و القعده فى مكان شيك والاكل فيه على أد الايد اوى يعنى غير اللى بنشوفة فى القاهرة خالص ومش هيكلفك خالص والأهم انك قاعد ع البحر مباشرة .. ( وكمان لما تخلص قعدتك تقوم تتمشى ع الكورنيش )
الموضوع أننا بقى لينا زيارة كل أسبوعين لبورسعيد لأننا بنرتاح نفسيا هناك من حاجات كتير بنشترى لبس وشوكلاتات وحتى محلات الأكل هناك مختلفة خالص 00 وكل مرة أما ننزل حاجة نلاقى رسائل من البورسعيدية جايلنا انتوا ليه مبتتكلموش عن الخديوى .. فقررنا أن طلعتنا دى تبقى موجهه للخديوى وبس وخصوصا أن ع البحر وقضينا فيه اليوم كله من اوله لاخرة ..
سلسلة مطاعم الخديوي
لقينا عندهم وجبة فطار عبارة عن 8 ساندوتشات وكوبايتين شاى ب 40 جنية يعنى نصيب الفرد 20 جنية زى ما قلنا ( طعمية وبيض بالبسطرمة وبطاطس بالجبنة الرومى و حلاوة ) والفطار من 9 : 1 ظهرا وبعد كدة مبيبقاش فى مكان لرجل فى وقت الغدا ..فأحنا فى ةقت الغدا خدنا أكلنا تيك اواى ونزلنا ناكل ع البحر علطول ..
ده بالنسبة للفطار أما بقية المنيو خصوصا أننا كملنا اليوم فى بورسعيد خلصنا لفتنا والشراء بتاعنا وجة وقت الغدا طلعنا ع المطعم تانى
المطعم بقى حاجة غريبة جدا خدنا بالنا منها قولنا نعدى ع الترابيزات بنظرة خبيثة كدة نشوف الناس بتطلب أيه فلقينا ان مفيش ترابيزة بتاكل زى التانىه خالص ..
بعنى اللى بياكل كشرى ( وعلى فكرة الكشرى بداية السلسلة ) ولقينا اللى بياكل مشاوى واللى بياكل فراخ بروستد واللى بياكل شرقى يعنى كل حاجة الواحد يتخيلها موجوده فى المكان .. وكمان حاجة لاحظنها ان الناس بتاكل الكشرى بالشاورما 😊
بس اللى عجبنا اوى البروستد لانها فعلا معمولة بمزاج اوى ...اولا الفراخ نضيفة اوى وتتبيلة الفراخ نفسها حلو اوى و قرمشتها وكمان الاهم حجمها وكميتها يعنى دى بننصح بيها اوى .
كمان اللى حلو اوى البيتزا عجينتها زى الكتاب ما بيقول بس احنا قولنالهم محتاجة تسكر سنة بسيطة علشان تبقى قمة فى المثالية .. و
المشويات والموزة عندهم بلدى ودة الاهم وكمان فى صنعه فى التتبيلة اوى ..
أجمالا الموضوع حلو اوى وعرفنا كل أما نروح بورسعيد هناكل فين 😊
العنوان : خلف مسجد الشاطىْ – عند شارع طرح البحر