متحف الالات الموسيقيه

تعرفوا الماندولين
لأ مش الشوكلاته 😍😍
الماندولين دى الاله العجيبة اللى كان بيعزف بيها محمد عبد الوهاب ف فيلم غزل البنات أغنية عاشق الروح
حاجة اكتشفناها بالصدفة البحته ومكناش نعرف انها موجودة
متحف الالات الموسيقيه ومتحف محمد عبد الوهاب موسقار الاجيال يومياً من الساعة العاشرة صباحا وحتى الثالثة عصراً
المتحف مقسم إلى اكتر من قاعه واحدة منهم اسمها ( قاعة الذكريات )ودى هتلاقوا فيها متعلقاته والغرف الكامله بتاعته ولبسه وكمان فى جناح بيبين نشأته وطفولته وفى كمان قاعة السينما اللى فيها كل الافلام اللى شارك فيها وفى قاعة الاستماع بقى ودى اللى جامدة جدا جدا ودى اللى فيها المكتبة الكاملة لكل أغانيه ودى أنت بتتصفحها وتتنقل بينها عن طريق شاشة تاتش حاجة فخيمة أوى اوى
أما بالنسبة لمتحف الالات الموسيقية فدة بقى قصة تانية خالص .. معظم الحاجات اللى موجوده فيه أتلاقت بالصدفة فى المخازن أثناء الترميم بس خلاص تعتبر أثار ..
وطبعا متقسمة حسب طبيعيتها يعنى الالات الوترية مع بعض والالات النفخ والايقاع وكل تخصص بقى وكل واحد جنبيها جهاز بيبينلك الصوت اللى بيطلع منها عامل أزاى
متحف تحففففة لازم الناس كلها تشوفه هاتستمتعوا بجد ...ويا سلام بقي وهوه الواحد داخل مشغلين موسيقى انت عمري في هدوء بتلاقي اعصابك ارتاحت فعلا ..شوفوا عباقرة بلادكوا ❤الله يرحمه ياررررب
طيب المتحف دة فين ؟؟؟؟
فى شارع رمسيس بجوار سنترال رمسيس واقرب محطة مترو هى جمال عبد الناصر
عمرك أخدت بالك أن فى متحف هناك أساسا ؟؟؟
معظم الصور ل  Omar Alrzzaz