معاك ١٠ جنية وعايز تدخل متحف، مع "مصر جميلة" مفيش مستحيل
هناخدك ف رحلة لبيت أثري قديم تذكرته ب ١٠ جنية بس
ايه المكان ده وايه حكايته، هقولك
المكان ده اتصور فيه افلام جيمس بوند وكمان الفيل الأزرق ٢
اسمه
متحف جاير أندرسون(بيت الكريتلية ) ------gayer anderson museum
فى حاجات لما بيجى عليها التراب بتزيد قيمة وتحسسك بمدى العظمة و مهما عدى عليها زمن بتفضل زى ما هى مبهرة
بيت جميل جدا فى السيده زينب جنب مسجد ابن طولون على الطراز الاسلامى
تاريخ البيت من الافضل ان تسمعه من المرشد اللى هيبقى معاك هناك او من الناس اللى موجوده فى المتحف
فى يافطات ارشاديه فى البيت كله بتشرح كل حاجه
البيت عموما مليان كنوز وتحف مش هتشوفها ابدا فى حياتك حاجه معموله بمنتهى الاتقان
المتحف عباره عن بيتين الفرق الزمنى بين بنائهم قرن من الزمان وبيربط بينهم قنطره
اول ما بتدخل المتحف بتلاقى الحوش اللى بيتوسطه البير المسحور وانت هناك أبقى أسأل البيت مسحور ليه بقى
بعد كده هيقابلك سلم للبيت القديم اللى بيوصلك لمكان مفتوح فوق
المكان ده ف وقت من الاوقات كان هيتم ازالته بالكامل، عشان كده انت محتاج تسمع قصته كاملة من مرشد البيت
(التصوير بالموبايل مجانى)
العنوان : شارع قدري (بجانب مسجد إبن طولون), السيدة زينب
سعر التذكره 10 جنيه
المواعيد : من 9 صباحا ل 4 عصرا
هسيبك مع الصور
