الخيامية - الغورية - الدرب الاحمرمنطقة الحُسين 😍😍😍
بجد من اجمل الاماكن التجارية ومش بس تشترى لأ ده انت هتتصور صور جميلة جدا
اللي هتحس فيه بالاجواء الرمضانية ..❤ وتحس أن رمضان بيبدأ فيها بدرى
هتلاقى اقمشة الخيامية المصريه
وروعة الابداع والفن والذوق الرفيع
واللي بيتعمل فيها فوانيس و مفارش
وغيرها كتير من متعلقات و زينة رمضان،،،
ينصح بزيارة المكان ده حتى لو مش هتشتري حاجة
لانك فعلاً هتتبسط بالاجواء هناك
زينة رمضان والفوانيس اللى لازم كل واحد مننا يحطها فى بيته وفى بلكونته علشان يستعد للشهر الكريم بقى
أحنا نزلنا وصورنالكم معظم الحاجات اللى هناك
الكل يعرف ان جو رمضان في مصر مختلف عن اي مكان في العالم و اجمل حاجه انك تنزل الاماكن الشعبيه عشان تشوف التحضير لمظاهر الاحتفال بشهر رمضان الكريم من صناعه الفوانيس و الزينه الي مش هتشوفها بس غير في مصر.
المكان الي انتم شايفينه في الصور اسمها تحت الربع و برده معروف باسم
الخياميه و يعتبر من اهم الاماكن المتخصصه في صناعه الفوانيس و الزينه
الرمضانيه.هناك هتلاقي الاسعار اقل من اي مكان في مصر عشان زي ما قلنا ده مكان التصنيع و البيع بالجمله فهتلاقي الاقمشه الرمضانيه و الفوانيس الخياميه و النحاسيه و الصينيه و كل حاجه خاصه بالزينه هتلاقيها هناك.
-نصيحه
*يفضل انك تاخد فكره عن متوسط الاسعار في المحلات و بعد كده شوف هتشتري منين.
*كل اما رمضان يقرب كل ما الاسعار بتعلي.
-ازاي تروح المكان ده؟
اولا يفضل بلاش تروح بالعربيه و خليها مواصلات اسهلك عشان المكان هناك زحمه جدا.
ثانيا اركب المترو الخط التالت اتجاه العتبه و انزل محطه العتبه.
هتطلع تلاقي عربيات سوزوكي بتقول ازهر غوريه حسين
اركبها و انزل الغوريه هتتمشي في شارع طويل حوالي 10 دقائق لحد ما هتوصل منطقه الخياميه
